سندھ پولیس قابلیت اور تجربہ میں کسی سے پیچھے نہیں

 آئی جی سندھ غلام نبی میمن کی جانب سے میجرسعد شیخ شہید کے قاتلوں کی گرفتاری پر کراچی پولیس کو شاباش اور تعریفی اسنادکے ساتھ ساتھ ایک بنیادی تنخواہ اور CC-I

سندھ پولیس قابلیت اور تجربہ میں کسی سے پیچھے نہیں۔ آئی جی سندھ

آپ لوگ اسی طرح سنگین جرائم اور اس میں ملوث عناصر کی بیخ کنی کرتے رہیں۔ غلام نبی میمن

کراچی10,اپریل 2024:-

آئی جی سندھ غلام نبی میمن کی جانب سے گزشتہ دنوں ڈکیتی کی واردات کے دوران مزاحمت پر شہید ہونے والے میجر سعد شیخ کے قاتلوں کی گرفتاری پر کراچی پولیس چیف،ڈی آئی جی ساؤتھ،ایس ایس پی کیماڑی،سٹی اور ان کی پوری ٹیم کو سینٹرل پولیس کراچی میں منعقدہ ایک سادہ سے تقریب میں تعریفی اسناد, ایک بنیادی تنخواہ اور CC-I سے نوازا گیا۔

اس موقع پر آئی جی سندھ غلام نبی میمن نے پولیس ٹیم سے ملاقات کی اور کریمنلز گینگ کے خلاف بہترین اور دلیرانہ کاروائی کا مظاہرہ کرنے پر انہیں تعریفی اسناد اور بنیادی تنخواہ بطور ریوارڈ تقسیم کیں۔

آئی جی سندھ نے اس موقع پر کہا کہ اس کاروائی سے سندھ پولیس کے افسران اور جوانوں کے حوصلے نہ صرف بلند ہوئے بلکہ یہ بھی ثابت ہوا کہ سندھ پولیس تجربہ، محنت,صلاحیت اور مہارت میں کسی سے پیچھے نہیں تاہم ضرورت اس امر کی ہے کہ اس مومنٹم کو ناصرف برقرار رکھا جائے بلکہ اسے آگے لے کر چلا جائے اور صوبہ بالخصوص کراچی کا امن خراب کرنے والے عناصر کے خلاف انتہائی سخت اور مؤثر اقدامات ہر سطح پر یقینی بنائے جائیں۔انہوں نے مزید کہا کہ سندھ پولیس کے پاس ایسے بہادر جوان موجود ہیں جوجرائم کے خاتمے کے لیے پر عزم اور ہمہ وقت تیار ہیں اور یہ جوان بلاشبہ سندھ پولیس کا فخر ہیں۔ان کا کہنا تھا کہ میجرسعدشیخ شہید کے قاتلوں کی گرفتاری اور تفتیش سے مزید ایسے گروہوں کا پتہ لگائیں جو کراچی میں سنگین جرائم میں ملوث اور مرتکب ہیں۔جرائم کے خلاف کیسز کے اندراج کو یقینی بنائیں اور کیسز درج ہونے کے بعد اپنی پوری طاقت اور صلاحیت کے ساتھ اس کو حل کرنے کی حتی الامکان کاوشیں کرتے ہوئے عوام میں عدم تحفظ کی فضاء کو ختم کرنے میں اپنے انفرادی اور اجتماعی کردار کو یقینی بنائیں۔ اس میں کوئی شک نہیں کہ سندھ پولیس اپنی صلاحیتوں اور مہارت کی بدولت مشکل سے مشکل ہدف کو حاصل کرسکتی ہے۔

#IGSindh #KarachiPolice #SaadSheikh #JusticeForSaadSheikh #Arrested #PoliceBravery #SindhPolice #CriminalCapture #CrimePrevention #SecurityEfforts #PublicSafety #LawEnforcement #TeamEffort